నా బజాజ్ స్పిరిట్. దాని గురించి ఎంత చెప్పినా తక్కువే. నాలుగేళ్ళ క్రితం మా వారిని పీడించి సెకండ్ హాండ్ లో కొనుక్కున్నాను. బుజ్జిముండ నల్లగా ఎంత ముద్దొచ్ఛిందో. ఒక్క రోజులో డ్రైవింగ్ కూడ నేర్చుకున్నాను (ఈ లోపు నాలుగు సార్లు పడ్డాను లెండి). ఇంక మొదలైంది నా ప్రయాణం. ఫస్ట్ లో లారీలు బస్లు చూసి కొంచెం భయపడ్డాను కాని ఆ తర్వాత ఆఘమేఘాల (అదేనండి నా బండి) మీద వెళ్ళేదాన్ని. రెండు నెలలు హాపీగా గడిచిపోయాయి. ఆ తర్వాత మొదలైనయి నా జీవితంలో కష్టాలు. ఒక రోజు మా ఫ్రెండ్ ఫంక్షన్ కి పిలిచింది. పేద్ద ఫోజుగా బండేసుకుని బయలుదేరాను. అప్పుడు టైం 11.30 (అర్థ్రరాత్రి కాదులెండి పగలే). ఒక 15 నిమిషాలు ప్రయాణం చేసానో లేదో, బండి ఆగిపొయ్యింది. బండి అన్నాక ఎప్పుడో అప్పుడప్పుడు ఎక్కడో అక్కడ ఆగక తప్పదని ఆ నిమిషమే తెలిసింది. అటు ఇటు చూసాను ఎవరైనా చూస్తున్నారా అని (వెదవ ఇగో ఒకటి). ఎవరూ లేరు. పోని ఎవరైనా హెల్ప్ చేస్తారేమో అని చూసాను. ప్చ్. కొంచెం దూరం నడిపించి స్టార్ట్ చేసాను. హమ్మయ్య స్టార్ట్ అయ్యింది. మళ్ళీ కొంచెం దూరం వెళ్ళాక (మీరు ఊహించిందే) మళ్ళీ ఆగిపొయ్యింది. మళ్ళీ అటు ఇటు.... మళ్ళీ కొంచెం దూరం ....మళ్ళీ స్టార్ట్ .....అలా అలా ఒక గంట తర్వాత ఒక మెకానిక్ షాప్ కనిపించింది. వాడు ఒక గంట పడుతుందన్నాడు. మా ఫ్రెండ్ ఇల్లు ఇంకా చాలా దూరం. ఏడుస్తూ మావారికి ఫోన్ చేసాను. తను వచ్చి నన్ను మా ఫ్రెండ్ ఇంటిదగ్గర దింపి దగ్గరుండి బండి బాగు చేయించారు. వచ్చేటప్పుదు మళ్ళీ అది డ్రైవ్ చేసుకుంటూ వచ్చెసాను. బుజ్జిముండ జామ్మ్ జామ్మ్ అని ఎంత బాగ వెళ్తుందో. ఒక వారం రోజులు బానే ఉంది. మళ్ళీ మొదలు. నేను ఆఫీసుకో ఇంకెక్కడకో వేసుకెళ్ళటం, అది మద్యలో ఆగిపోవటం, దాన్ని నేనక్కడే వదిలేసి వస్తే మా వారు దాన్ని రిపేర్ చేయించి తీసుకురావటం. ఇదంతా ఎందుకులే అని ఆయనే నన్ను డ్రాప్ చెయ్యటం పికప్ చేసుకోవటం చేసేవారు. అదేంటొ నేనెప్పుడు బండి వేసుకెళ్ళినా ట్రాఫిక్ ఇన్స్పెక్టర్ ఆపేవాడు మరి నా ఫేస్ వాల్యూనో దాని ఫేస్ వాల్యూనో. ఎప్పుడైనా ఆఫీస్కి లేట్గా వెళ్తే మా బాస్ "ఎంటి మేడం బండి వేసుకుని వచ్చారా? పోనీ నడిచైనా రాకపోయారా?" అనేవాడు. ఆయనకి కూడా నా బండి అంటే అంత నమ్మకం. అలా అలా కాలక్రమంలో అది ఎలా తయారైందంటే హారన్ తప్ప అన్ని పార్ట్లు సౌండ్ వస్తయి. సో నేను హారన్ యూజ్ చెయ్యక్కరలేదు. బ్రేక్స్ పనిచెయ్యవు. హెడ్ లైట్ వెలగదు. ఒక మాదిరి స్పీడ్ బ్రేకర్ వచ్చినా దిగి తొయ్యాలి. వెనకాల ఎవరైనా ఎక్కితే బండంతా ఊగిపోతుంది. వాళ్ళు అప్పుడు దిగి నడిచి వస్తామంటారు. ఎప్పుడు చూస్తాడో ఏమో కరెక్ట్ గా నేను కిందకి దిగి బండి స్టార్ట్ చేసే టైంకి పాత సామాన్లు కొనేవాడు వచ్చేసి "పాత సామాన్లకి ఉల్లిపాయలు" అంటూ నా బండి వంక చూస్తూ అపార్ట్మెంట్ ముందు తిరుగుతూ వుంటాడు. అలా నాలుగుసార్లు చూసాను. దగ్గరికి పిలిచి "నా బండి ఎవరికైనా ఫ్రీగా అయినా ఇస్తా గాని నీకు అమ్మను" అని వార్నింగ్ ఇచ్చాను. ఎవరికైనా నా బండి ఇస్తే వాళ్ళు తిరిగొచ్చి "ఆ బండి ఎలా నడుపుతున్నారో గానీ మీరు చాలా గ్రేట్" అని నా వంక కొంచెం యడ్మైరింగ్గా, చాలా జాలిగా చూస్తారు. ఇంక నేను హైద్రాబాద్ వెళ్ళినప్పుదు దాన్ని పక్కన పడేసాను. మళ్ళీ విజయవాడ వచ్హాక కొంచెం రెపైర్ చేయించాను. మిగతా అంతా మామూలే కాని ఇప్పుడు అన్నిసార్లు అగిపోవట్లేదు. ఎప్పుడైనా పెట్రోల్ అయిపోయినప్పుడే. కాని పెట్రోల్ రోజూ అయిపోతుంది. ఇప్పుడు అది ఇంకొక కళ నేర్చుకుంది. పొద్దున్నే స్టార్ట్ చేసేటప్పుడు దాన్ని బాగా పక్కకు వంచి స్టార్ట్ చేస్తే కాని స్టార్ట్ అవదు. మా మెకానిక్ కూడా ఇంక నా వల్ల కాదని చేతులెత్తేసాడు. ఇప్పుడైతే 2 మంత్స్ సాలరీ తో కొత్తది కొనుక్కోవచ్చు కాని నేనే కొంచెం సెంటీ అయిపొయాను. ఇంక ఫూచర్ లో కొనగలిగితే కార్ కొనుక్కుంటా గాని బైక్ మాత్రం ఇదే.
17, జనవరి 2010, ఆదివారం
నా బజాజ్ స్పిరిట్
నా బజాజ్ స్పిరిట్. దాని గురించి ఎంత చెప్పినా తక్కువే. నాలుగేళ్ళ క్రితం మా వారిని పీడించి సెకండ్ హాండ్ లో కొనుక్కున్నాను. బుజ్జిముండ నల్లగా ఎంత ముద్దొచ్ఛిందో. ఒక్క రోజులో డ్రైవింగ్ కూడ నేర్చుకున్నాను (ఈ లోపు నాలుగు సార్లు పడ్డాను లెండి). ఇంక మొదలైంది నా ప్రయాణం. ఫస్ట్ లో లారీలు బస్లు చూసి కొంచెం భయపడ్డాను కాని ఆ తర్వాత ఆఘమేఘాల (అదేనండి నా బండి) మీద వెళ్ళేదాన్ని. రెండు నెలలు హాపీగా గడిచిపోయాయి. ఆ తర్వాత మొదలైనయి నా జీవితంలో కష్టాలు. ఒక రోజు మా ఫ్రెండ్ ఫంక్షన్ కి పిలిచింది. పేద్ద ఫోజుగా బండేసుకుని బయలుదేరాను. అప్పుడు టైం 11.30 (అర్థ్రరాత్రి కాదులెండి పగలే). ఒక 15 నిమిషాలు ప్రయాణం చేసానో లేదో, బండి ఆగిపొయ్యింది. బండి అన్నాక ఎప్పుడో అప్పుడప్పుడు ఎక్కడో అక్కడ ఆగక తప్పదని ఆ నిమిషమే తెలిసింది. అటు ఇటు చూసాను ఎవరైనా చూస్తున్నారా అని (వెదవ ఇగో ఒకటి). ఎవరూ లేరు. పోని ఎవరైనా హెల్ప్ చేస్తారేమో అని చూసాను. ప్చ్. కొంచెం దూరం నడిపించి స్టార్ట్ చేసాను. హమ్మయ్య స్టార్ట్ అయ్యింది. మళ్ళీ కొంచెం దూరం వెళ్ళాక (మీరు ఊహించిందే) మళ్ళీ ఆగిపొయ్యింది. మళ్ళీ అటు ఇటు.... మళ్ళీ కొంచెం దూరం ....మళ్ళీ స్టార్ట్ .....అలా అలా ఒక గంట తర్వాత ఒక మెకానిక్ షాప్ కనిపించింది. వాడు ఒక గంట పడుతుందన్నాడు. మా ఫ్రెండ్ ఇల్లు ఇంకా చాలా దూరం. ఏడుస్తూ మావారికి ఫోన్ చేసాను. తను వచ్చి నన్ను మా ఫ్రెండ్ ఇంటిదగ్గర దింపి దగ్గరుండి బండి బాగు చేయించారు. వచ్చేటప్పుదు మళ్ళీ అది డ్రైవ్ చేసుకుంటూ వచ్చెసాను. బుజ్జిముండ జామ్మ్ జామ్మ్ అని ఎంత బాగ వెళ్తుందో. ఒక వారం రోజులు బానే ఉంది. మళ్ళీ మొదలు. నేను ఆఫీసుకో ఇంకెక్కడకో వేసుకెళ్ళటం, అది మద్యలో ఆగిపోవటం, దాన్ని నేనక్కడే వదిలేసి వస్తే మా వారు దాన్ని రిపేర్ చేయించి తీసుకురావటం. ఇదంతా ఎందుకులే అని ఆయనే నన్ను డ్రాప్ చెయ్యటం పికప్ చేసుకోవటం చేసేవారు. అదేంటొ నేనెప్పుడు బండి వేసుకెళ్ళినా ట్రాఫిక్ ఇన్స్పెక్టర్ ఆపేవాడు మరి నా ఫేస్ వాల్యూనో దాని ఫేస్ వాల్యూనో. ఎప్పుడైనా ఆఫీస్కి లేట్గా వెళ్తే మా బాస్ "ఎంటి మేడం బండి వేసుకుని వచ్చారా? పోనీ నడిచైనా రాకపోయారా?" అనేవాడు. ఆయనకి కూడా నా బండి అంటే అంత నమ్మకం. అలా అలా కాలక్రమంలో అది ఎలా తయారైందంటే హారన్ తప్ప అన్ని పార్ట్లు సౌండ్ వస్తయి. సో నేను హారన్ యూజ్ చెయ్యక్కరలేదు. బ్రేక్స్ పనిచెయ్యవు. హెడ్ లైట్ వెలగదు. ఒక మాదిరి స్పీడ్ బ్రేకర్ వచ్చినా దిగి తొయ్యాలి. వెనకాల ఎవరైనా ఎక్కితే బండంతా ఊగిపోతుంది. వాళ్ళు అప్పుడు దిగి నడిచి వస్తామంటారు. ఎప్పుడు చూస్తాడో ఏమో కరెక్ట్ గా నేను కిందకి దిగి బండి స్టార్ట్ చేసే టైంకి పాత సామాన్లు కొనేవాడు వచ్చేసి "పాత సామాన్లకి ఉల్లిపాయలు" అంటూ నా బండి వంక చూస్తూ అపార్ట్మెంట్ ముందు తిరుగుతూ వుంటాడు. అలా నాలుగుసార్లు చూసాను. దగ్గరికి పిలిచి "నా బండి ఎవరికైనా ఫ్రీగా అయినా ఇస్తా గాని నీకు అమ్మను" అని వార్నింగ్ ఇచ్చాను. ఎవరికైనా నా బండి ఇస్తే వాళ్ళు తిరిగొచ్చి "ఆ బండి ఎలా నడుపుతున్నారో గానీ మీరు చాలా గ్రేట్" అని నా వంక కొంచెం యడ్మైరింగ్గా, చాలా జాలిగా చూస్తారు. ఇంక నేను హైద్రాబాద్ వెళ్ళినప్పుదు దాన్ని పక్కన పడేసాను. మళ్ళీ విజయవాడ వచ్హాక కొంచెం రెపైర్ చేయించాను. మిగతా అంతా మామూలే కాని ఇప్పుడు అన్నిసార్లు అగిపోవట్లేదు. ఎప్పుడైనా పెట్రోల్ అయిపోయినప్పుడే. కాని పెట్రోల్ రోజూ అయిపోతుంది. ఇప్పుడు అది ఇంకొక కళ నేర్చుకుంది. పొద్దున్నే స్టార్ట్ చేసేటప్పుడు దాన్ని బాగా పక్కకు వంచి స్టార్ట్ చేస్తే కాని స్టార్ట్ అవదు. మా మెకానిక్ కూడా ఇంక నా వల్ల కాదని చేతులెత్తేసాడు. ఇప్పుడైతే 2 మంత్స్ సాలరీ తో కొత్తది కొనుక్కోవచ్చు కాని నేనే కొంచెం సెంటీ అయిపొయాను. ఇంక ఫూచర్ లో కొనగలిగితే కార్ కొనుక్కుంటా గాని బైక్ మాత్రం ఇదే.
17, నవంబర్ 2009, మంగళవారం
చెట్లు కూడ లివింగ్ తింగ్స్
http://www.dishant.com/mailsong.php?songid=16723
15, నవంబర్ 2009, ఆదివారం
నేను కొన్నాళ్ళు హైదరాబాద్ లో ఉద్యోగం వెలగబెట్టటానికి వెళ్ళాను పిల్లల్ని విజయవాడ లో అమ్మదగ్గర వదిలేసి. మా ఆఫీస్ టైమింగ్స్ పొద్దున 6 టు 2. సరే సాయంత్రాలు ఎలాగూ ఖాళీ యే కదా. అసలే 10 కేజీలు వెయిట్ ఎక్కువ ఉన్నాను అని ఒక జిం లో జాయిన్ అయ్యాను. ఎ.సి. జిం, మాంచి ఫాస్ట్ మ్యూజిక్. ఒక రోజు డైటిషియన్ కూడ వచ్చింది. అందరికీ డైట్ చెప్పింది. నాకు కూడ చెప్పింది మార్నింగ్ గ్రీన్ టీ, బాదం పప్పులు 8. ఆ తర్వాత 8.30 కి 2 ఎగ్స్, 1 ఫ్రూట్, ఓట్మీల్స్ జావ తీసుకోమంది. "బ్రేక్ ఫాస్ట్ ముందా, బ్రేక్ ఫాస్ట్ తర్వాతా?" అని అడిగాను. ఏమీ మాట్లాడకుండా పైనుంచి కిందకి చూసింది. అర్థమయ్యేటట్లు చెప్తేనే కదా తెలిసేది. ఇంక లాభం లేదని ఒక షీట్ మీద రాసి ఇచ్చింది. ఇంక నేను వెయిట్ తగ్గడం మొదలెట్టాను ఇలా:
ఫస్ట్ మంత్ - 3 కేజీలు
సెకెండ్ మంత్ - 2 కేజీలు
తర్డ్ మంత్ - 1 కేజీ
ఫోర్త్ మంత్ - 1 కేజీ
ఫిఫ్త్ మంత్ - 0.5 కేజీ
సిక్స్త్ మంత్ - 0.5 కేజీ
కేజీ సెవెంత్ మంత్ - నిల్
నిల్ ఎయిత్ మంత్ - నిల్
ఆఫిసువాళ్ళు "ఇంక ఇక్కడ చేసింది చాలు. ఇంటికెళ్ళి చేసుకో" అన్నారు (అంటే హోం-బేస్డ్ ఇచ్చేసారు). నేను ఆనందంగా విజయవాడ వచ్చేసాను. ఇంక నేను వెయిట్ పెరగడం మొదలెట్టాను ఇలా:
ఫస్ట్ మంత్ - నిల్
సెకెండ్ మంత్ - నిల్
తర్డ్ మంత్ - 0.5 కేజీ
ఫోర్త్ మంత్ - 0.5 కేజీ
ఫిఫ్త్ మంత్ - 1 కేజీ
సిక్స్త్ మంత్ - 1 కేజీ
సెవెంత్ మంత్ - 2 కేజీలు
ఎయిత్ మంత్ - 3 కేజీలు
ఇంక వుంటాను. జిం కి టైమయ్యింది.
28, అక్టోబర్ 2009, బుధవారం
ఇదే నా మొదటి బ్లాగులేఖ
రాసాను మీకు చెప్పలేక
ఎదుట పడి మనసు తెలుపలేక!
హాయ్ ఫ్రెండ్స్!
3 నెలలనుండి ట్రయ్ చేస్తున్నా బ్లాగ్ రాయడానికి. కాని ఎలా స్టార్ట్ చెయ్యాలొ తేలీక లేట్ అయ్యింది. ఫస్ట్ ఇంప్రెషన్లోనే బెస్ట్ ఇంప్రెషన్ కొట్టేద్దామని నా దురాశ. హమ్మయ్య ఎలా ఐతే బ్లాగ్ స్టార్ట్ చేసేసా ముందు ముందు ఎలా ఐనా ఉండనీ (అంటే ఇది చదివి ముందు ముందు మీరెలా ఉంటారో అని). పోతే నాకీ దురాలోచన ఎందుకొచ్చింది అంటే నాకు సెల్ఫ్ డబ్బా అంటే చాలా ఇష్టం. మా ఫ్రెండ్స్, కొలీగ్స్ నా సెల్ఫ్ డబ్బా వినీ వినీ ఇంక నేను ఏమి చెపుతున్నా "ఇంక చాల్లే, నువ్వు చాలా డిఫెరెంట్ అంతే కదా" అనటం మొదలెట్టారు (అంటే నెను కొంచెం తేడా అని ఇంగ్లీష్లో చెప్పారన్నమాట). ఇక్కడైతే ఆ ప్రొబ్లెం లేదు కదా. నేను ఎంత రాసినా "ఇంక చాల్లే" అనలెరు కదా. అందుకన్నమాట! (ఒక్క నిమిషం...........ఏంలేదు కూర మాడిపొయ్యింది. పర్లెదులే నేనా కూర ఎలాగూ తినను). ఈసారికి ఇంక చాల్లే. ముందు ముందు నేనేమిటో మీకే తెలుస్తుంది. అంతవరకూ టాటా, బై బై, సీ యూ, హావ్ ఎ నైస్ డే.
యువర్స్ సిన్సియర్లీ
యువర్స్ ట్రూలీ
యువర్స్
లవింగ్లీఎక్సెట్రా ఎక్సెట్రా
శ్రీ