చెట్లు కూడ లివింగ్ తింగ్స్

ఖుషీ సినిమాలో "అమ్మాయే సన్నగా అరనవ్వే నవ్వగా" పాట వింటుంటే ఒక సంగతి గుర్తుకొచ్చింది. ఏడెనిమిది ఏళ్ళ క్రితం అనుకుంటా మా అబ్బాయి అప్పుడు ఫస్టో సెకండో చదువుతున్నాడు. అప్పటికి నేనింకా జాబ్ చెయ్యటం లేదు. ఎప్పటిలాగే పక్కింటి ఆవిడని వెనుకింటి ఆవిడని పిలిచి ఉప్పర సోది పెట్టి ఉద్యోగం ఆడవాళ్ళకి ఎంత ముఖ్యమో, భర్తలకి తెలీకుండా చీరలు నగలు ఎంత బాగా కొనుక్కోవచ్చో ముప్పైమూడవసారి చెపుతున్నాను. ఇంతలో మా అబ్బాయి పరుగెత్తుకుంటూ వచ్చి "అమ్మా అమ్మా చెట్లు కూడ లివింగ్ తింగ్స్ అని నాకు తెలిసిందమ్మా" అన్నాడు. (అప్పుడు వాడికి స్కూల్ లొ ఆ లెసన్ చెపుతున్నారనుకొంటా). అప్పుడు నేను "మా వాడు ఏదో ఎక్ష్పెరిమెంట్ చేసి కనుక్కుని వుంటాడు, వీడికన్నీ నా తెలివితేటలే వచ్చినై" అని మురిసిపోతూ "ఎలా తెలిసింది నాన్నా" అని అడిగాను. అప్పుడు వాడు "నేను చెట్టు దగ్గర నుంచోని అమ్మాయే సన్నగా అరనవ్వే నవ్వగా అని పాట పాడుతుంటే చెట్టు ఊగుతుందమ్మా" అని చెప్పాడు. నేను కాసేపు షాక్ తిన్నాను. తరువాత బాగా నవ్వొచ్చింది. ఇంతకీ అవి ఎవరి తెలివితేటలో నాకు అర్థం కాలా. ఆ పాట ఇక్కడ మీకొసం:

http://www.dishant.com/mailsong.php?songid=16723